ތަޢާރަފް:-
"ދިވެހި ނަސާރާއިންނާ އެތީސްޓުންގެ ލިޔުންތަކަށް މަރުހަބާ" މިއީ ފުރިހަމަ އަލްމާނީ ދިވެހިރާއްޖޭގެ އިންތިޒާރުގައި ތިބި ދިވެހީންތަކެއް ހިންގާ ދިވެހި ވެބްސައިޓެއްގައި ލިޔެފައިވާ ޖުމްލައެކެވެ. މި ޖުމްލަޔަކީ އަޅުގަނޑުމެން ޢިބްރަތް ލިބިގަންނަންވީ ޖުމްލައެކެވެ.
އާދޭހެވެ! ޣައިރު އިސްލާމީ އޮއެވަރުގައި ޖެހި ޣަރަޤުވެފައިވާ ދިވެހީން މި ދިވެހި ފަސްގަނޑުން އިސްލާމްދީން ފޮހެލުމަށް ކުރަމުންދާ މަސައްކަތުގައި އެކަތިގަނޑަކަށް ވެފައިވާކަން އިސްވެ ދެންނެވި ޖުމްލައިން ވަރަށް ރަނގަޅަށް ސާފުވެ މިހިރަ ފެންނަނީއެވެ. އެއްބަޔަކީ ކަލަކު ވޮޑިގެން ނުވާކަމަށް ދަޢުވާކުރާ މުލްޙިދުންނެވެ. އަނެއްބަޔަކީ ސަލާމްލެއްވި ޢީސާގެފާނާއި ބެހޭގޮތުން ބާޠިލް ވާހަކަތައް ދައްކައި ތިންކައު ކުރުމުގެ ޢަޤީދާގައި ހިފައިގެންތިބި ނަޞާރާއިންނެވެ. މުޅީން ތަފާތު ދެ ޢަޤީދާއެއްގެ އަހުލުވެރީންތަކެއް އަޅުގަނޑުމެންގެ މާތްވެގެންވާ އިސްލާމްދީނާއި އިދިކޮޅުވެ އިސްލާމީ ވަޙުދަތު މިޤައުމުން ފައްސާ ނަގާލުމަށް އިއްތިހާދުވެފައިވާއިރު އަޅުގަނޑުމެން ދިވެހި މުސްލިމް އަޚުންނާއި އުޚްތުން މިތިބީ ނިދާފައެވެ.
އަޅުގަނޑުމެންގެ ޙާލަތު:-
ދީނުގައި ހުރި ކުދިކުދި ފަރުޢީ މައްސަލަތަކުގައި ހިފައި، މިއްލަތުން، މަންހަޖުން ބޭރުކޮށް އެއްބަޔަކު އަނެއްބަޔަކު ބިދުޢަވެރިކުރުމުގައި އަޅުގަނޑުމެން ހޭބޯނާރައި މަސައްކަތް ކުރަމުންދަނީއެވެ. މީހެއްގެ ތުނބުޅި ބޯވެފައި، ދިގުވެދާނެއެވެ! އިޒާރު ތަނބިކަށްޓައްވުރެ މަތިވެދާނެއެވެ! އަދި ހަމަ އެހެންމެ މީހެއްގެ ތުނބުޅި އޮމާންވެފައި، އިޒާރު ތަނބިކަށްޓައްވުރެ ތިރިވެދާނެއެވެ! އެހެނެއްކަމަކު އަޅުގަނޑުމެންނީ ހަމަ މުސްލިމުންނެވެ. ސަޖިދަކުރަނީ އެއް ފަރާތަކަށެވެ. ރަސޫލަކީ މުޙައްމަދު ޢަލައިހިއް ސަލާމް އެވެ. އީމާންވަނީ އެއް ރުކުންތަކަކަށެވެ. މި ޙަޤީޤަތް މިގޮތުގައި އޮތްނަމަވެސް އަޅުގަނޑުމެން ތިބީ ތަފާތު ޖަމާއަތް ޖަމާއަތަށް ބެހި ހުސްވެފައެވެ. އެއްބަޔަކަށް ޑޮޓް، އަނެއްބަޔަކަށް އެސް.އެސް، މިހެންގޮސް އެތައް ނަމެއްކިޔާ ޖަމާޢައްތަކަކަށެވެ. މީގެތެރެއިން ކޮންމެ ޖަމާޢަތެއްގެ ބަޔަކުވެސް އެބަޔަކު ތިބީ ޙައްޤުގައި ކަމަށާއި، ދެންތިބީ ބިދުޢަވެރީންކަމުގައި ބުނެ ދެންތިބީން މިއްލަތުން، މަންހަޖުން ބޭރުކުރެތެވެ. އެއްބަޔަކު އަނެއްބަޔަކަށް ﷲ ގެ މަގުގައި ވާގިވެރިވުމުގެ ބަދަލުގައި ނަފުރަތްތެރިކަމާއި ފިތުނަވެރިކަން އުފައްދައެވެ. ސަލާމް ކުރުމާއި، ހެޔޮއެދުމުގެ ކަންފުޅެއްވެސް ނެތެވެ. މުޖުތަމަޢުގައި ހިނގަމުންދާ ލާދީނީ އޮއެވަރުތަކާއިމެދު ވިސްނުމުގެ ބަދަލުގައި، އިސްވެ ބަޔާންމިކުރި ފަދަ ކޫސަނި ކަންތަކުގައި އަޅުގަނޑުމެން ބައިބައިވެ، ފިތުނަވެރިވެފައި ތިއްބާ އަޅުގަނޑުމެންގެ މި ދީބުން އިސްލާމްދީން ބީވެގެން މިހިރަ ދަނީއެވެ.
ހެޔޮ ނަސޭހަތެއް :-
އޭ މަގޭ މުސްލިމް އަޚުންނާއި އުޚްތުނެނޭވެ! އަޅުގަނަޑުމެންގެ ލޮބުވެތި ރަސޫލާ ޞައްލަﷲ ޢަލައިހި ވަސައްލަމަ އަޅުގަނޑުމެންނަށް ދެއްވާފައިވާ ތަޢުލީމަކީ ކޫސަނި ކަންކަމުގައި، ޚިޔާލު ތަފާތުވާ ކޮންމެ ދަނޑިވަޅެއްގައި އެއްބަޔަކު އަނެއްބަޔަކަށް އެއްޗެހި ގޮވުމެއް ނޫނެވެ. އެމާތް ނަބިއްޔާ އަޅުގަނޑުމެންނަށް އުނގަންނަވައި ދެއްވީ މުސްލިމުންނަކީ އަޚުންތަކެއް ކަމަށެވެ. ފުރިހަމަ މުސްލިމަކީ އޭނާގެ އަތާއި ދުލުގެ ނުބައިކަމުން އެހެނިހެން މުސްލިމުން ސަލާމަތް ވެގެންވާ މީހާކަމަށެވެ. އިތުއެކަލޭގެފާނު މުސްލިމުންގެ މިސާލު ޖެއްސެވީ އެއް ހަށިގަނޑެއްގެ މިސާލުގައެވެ. އެކަލޭގެފާނު އަޅުގަނޑުމެންނަށް އިރުޝާދުދެއްވީ ސަލާމް ފެތުރުމަށެވެ. ﷲ ގެ ދީނަށް ނަސުރުވެރި ވުމަށެވެ. މިދީނުގެ އަދާވާތްތެރީންގެ ފަރާތުން އަންނަ ކޮންމެ ހަމަލާއެއްގެ ދިފާއުގައި އެންމެން އެކީއެކަށް ތެދުވެގަތުމަށެވެ. މިދީނުގެ ދަޢުވަތު މީސްތަކުންނަށް ފޯރުކޮށްދީ ހަޤީޤީ އިސްލާމްދީން މީސްތަކުންނަށް ތަބްލީޣު ކޮށްދިނުމަށެވެ.
ގޮވާލުމެއް :-
އޭމުސްލިމު އަޚުންނާއި އުޚްތުނެނޭވެ! ނިކަން އެންމެ ފަހަރަކުވެސް ތިމާގެ ޢަމަލުތަކާއިމެދު ވިސްނާ ފިކުރުކޮށްބަލާށެވެ. ތިމާޔަށް މި އުޅެވެނީ ޙަޤީޤީ އިސްލާމަދީނުގައިތޯ އަމިއްލަ ނަފުސާ ސުވާލުކޮށްބަލާށެވެ. ތިމާގެ އަޚުންގެ މުޅަ މަސްކެއުމާއި ނުބައި ހީކުރުންތައް ހީކުރުން ނޫން އެހެން ކަމެއް ތިމާޔަށް އެބަކުރެވޭތޯ އަމިއްލަ ނަފުސާއި ސުވާލުކޮށްބަލާށެވެ. ދީނުގެ ދިފާޢުގައި ތިމާޔަށް ކުރެވުނީ ކޮންކެމެއް ތޯ ސުވާލުކޮށްބަލާށެވެ.
ޒާތީ މަސްލަހަތުތައް އިސްކޮށް ހަވާނަފުސުގެ އެދުންތަކުގެ އަވާގައި ޖެހި ޣާފިލުވެފައިތިއްބާ އަޅުގަނޑުމެންގެ އަދުއްވުން އަޅުގަނޑުމެންނާ ކުރިމަތިލަމުން މިހިރަ ގެންދަނީ ފިސާރި ޖޯޝާއި ފޯރީގައެވެ. ބަދަހި ގުޅުމަކާއިއެކުގައެވެ.
މުސްލިމް އަޚުނާއި އުޚުތުންނޭވެ! މިވެނި އެވެނި މީހެއްގެ ތުނބުޅި މީގެ ދެތިން މަސްކުރިން ހުރީ ކިހާވަރަކަށްތޯ؟ މިވެނި ޝައިޚަކު ކިޔަވާވިދާޅުވެގެން ވަޑައިގެންނެވިއިރު ހުންނެވީ ޖުއްބާ ތުރުކުރައްވައިގެންތޯ ބެލުމުގެ ބަދަލުގައި އަޅުގަނޑުމެންގެ ތެރެޔަށް ލާދީނީ އޮއެވަރު އަންނަނީ ކޮންކޮން ދިމަދިމާލަކުންތޯ؟ އެކަންތަކަށް އޮތް ހައްލަކީ ކޮބައިތޯ ބަލައި ހޯދުން އަޅުގަނޑުމެންގެ މި ކުރު ޙަޔާތާ އަޅާބަލާއިރު މާ އަގުބޮޑެވެ. މިކަމަށް އަވަސްވެގަންނަމާ ހިންގަވާށެވެ
"ދިވެހި ނަސާރާއިންނާ އެތީސްޓުންގެ ލިޔުންތަކަށް މަރުހަބާ" މިއީ ފުރިހަމަ އަލްމާނީ ދިވެހިރާއްޖޭގެ އިންތިޒާރުގައި ތިބި ދިވެހީންތަކެއް ހިންގާ ދިވެހި ވެބްސައިޓެއްގައި ލިޔެފައިވާ ޖުމްލައެކެވެ. މި ޖުމްލަޔަކީ އަޅުގަނޑުމެން ޢިބްރަތް ލިބިގަންނަންވީ ޖުމްލައެކެވެ.
އާދޭހެވެ! ޣައިރު އިސްލާމީ އޮއެވަރުގައި ޖެހި ޣަރަޤުވެފައިވާ ދިވެހީން މި ދިވެހި ފަސްގަނޑުން އިސްލާމްދީން ފޮހެލުމަށް ކުރަމުންދާ މަސައްކަތުގައި އެކަތިގަނޑަކަށް ވެފައިވާކަން އިސްވެ ދެންނެވި ޖުމްލައިން ވަރަށް ރަނގަޅަށް ސާފުވެ މިހިރަ ފެންނަނީއެވެ. އެއްބަޔަކީ ކަލަކު ވޮޑިގެން ނުވާކަމަށް ދަޢުވާކުރާ މުލްޙިދުންނެވެ. އަނެއްބަޔަކީ ސަލާމްލެއްވި ޢީސާގެފާނާއި ބެހޭގޮތުން ބާޠިލް ވާހަކަތައް ދައްކައި ތިންކައު ކުރުމުގެ ޢަޤީދާގައި ހިފައިގެންތިބި ނަޞާރާއިންނެވެ. މުޅީން ތަފާތު ދެ ޢަޤީދާއެއްގެ އަހުލުވެރީންތަކެއް އަޅުގަނޑުމެންގެ މާތްވެގެންވާ އިސްލާމްދީނާއި އިދިކޮޅުވެ އިސްލާމީ ވަޙުދަތު މިޤައުމުން ފައްސާ ނަގާލުމަށް އިއްތިހާދުވެފައިވާއިރު އަޅުގަނޑުމެން ދިވެހި މުސްލިމް އަޚުންނާއި އުޚްތުން މިތިބީ ނިދާފައެވެ.
އަޅުގަނޑުމެންގެ ޙާލަތު:-
ދީނުގައި ހުރި ކުދިކުދި ފަރުޢީ މައްސަލަތަކުގައި ހިފައި، މިއްލަތުން، މަންހަޖުން ބޭރުކޮށް އެއްބަޔަކު އަނެއްބަޔަކު ބިދުޢަވެރިކުރުމުގައި އަޅުގަނޑުމެން ހޭބޯނާރައި މަސައްކަތް ކުރަމުންދަނީއެވެ. މީހެއްގެ ތުނބުޅި ބޯވެފައި، ދިގުވެދާނެއެވެ! އިޒާރު ތަނބިކަށްޓައްވުރެ މަތިވެދާނެއެވެ! އަދި ހަމަ އެހެންމެ މީހެއްގެ ތުނބުޅި އޮމާންވެފައި، އިޒާރު ތަނބިކަށްޓައްވުރެ ތިރިވެދާނެއެވެ! އެހެނެއްކަމަކު އަޅުގަނޑުމެންނީ ހަމަ މުސްލިމުންނެވެ. ސަޖިދަކުރަނީ އެއް ފަރާތަކަށެވެ. ރަސޫލަކީ މުޙައްމަދު ޢަލައިހިއް ސަލާމް އެވެ. އީމާންވަނީ އެއް ރުކުންތަކަކަށެވެ. މި ޙަޤީޤަތް މިގޮތުގައި އޮތްނަމަވެސް އަޅުގަނޑުމެން ތިބީ ތަފާތު ޖަމާއަތް ޖަމާއަތަށް ބެހި ހުސްވެފައެވެ. އެއްބަޔަކަށް ޑޮޓް، އަނެއްބަޔަކަށް އެސް.އެސް، މިހެންގޮސް އެތައް ނަމެއްކިޔާ ޖަމާޢައްތަކަކަށެވެ. މީގެތެރެއިން ކޮންމެ ޖަމާޢަތެއްގެ ބަޔަކުވެސް އެބަޔަކު ތިބީ ޙައްޤުގައި ކަމަށާއި، ދެންތިބީ ބިދުޢަވެރީންކަމުގައި ބުނެ ދެންތިބީން މިއްލަތުން، މަންހަޖުން ބޭރުކުރެތެވެ. އެއްބަޔަކު އަނެއްބަޔަކަށް ﷲ ގެ މަގުގައި ވާގިވެރިވުމުގެ ބަދަލުގައި ނަފުރަތްތެރިކަމާއި ފިތުނަވެރިކަން އުފައްދައެވެ. ސަލާމް ކުރުމާއި، ހެޔޮއެދުމުގެ ކަންފުޅެއްވެސް ނެތެވެ. މުޖުތަމަޢުގައި ހިނގަމުންދާ ލާދީނީ އޮއެވަރުތަކާއިމެދު ވިސްނުމުގެ ބަދަލުގައި، އިސްވެ ބަޔާންމިކުރި ފަދަ ކޫސަނި ކަންތަކުގައި އަޅުގަނޑުމެން ބައިބައިވެ، ފިތުނަވެރިވެފައި ތިއްބާ އަޅުގަނޑުމެންގެ މި ދީބުން އިސްލާމްދީން ބީވެގެން މިހިރަ ދަނީއެވެ.
ހެޔޮ ނަސޭހަތެއް :-
އޭ މަގޭ މުސްލިމް އަޚުންނާއި އުޚްތުނެނޭވެ! އަޅުގަނަޑުމެންގެ ލޮބުވެތި ރަސޫލާ ޞައްލަﷲ ޢަލައިހި ވަސައްލަމަ އަޅުގަނޑުމެންނަށް ދެއްވާފައިވާ ތަޢުލީމަކީ ކޫސަނި ކަންކަމުގައި، ޚިޔާލު ތަފާތުވާ ކޮންމެ ދަނޑިވަޅެއްގައި އެއްބަޔަކު އަނެއްބަޔަކަށް އެއްޗެހި ގޮވުމެއް ނޫނެވެ. އެމާތް ނަބިއްޔާ އަޅުގަނޑުމެންނަށް އުނގަންނަވައި ދެއްވީ މުސްލިމުންނަކީ އަޚުންތަކެއް ކަމަށެވެ. ފުރިހަމަ މުސްލިމަކީ އޭނާގެ އަތާއި ދުލުގެ ނުބައިކަމުން އެހެނިހެން މުސްލިމުން ސަލާމަތް ވެގެންވާ މީހާކަމަށެވެ. އިތުއެކަލޭގެފާނު މުސްލިމުންގެ މިސާލު ޖެއްސެވީ އެއް ހަށިގަނޑެއްގެ މިސާލުގައެވެ. އެކަލޭގެފާނު އަޅުގަނޑުމެންނަށް އިރުޝާދުދެއްވީ ސަލާމް ފެތުރުމަށެވެ. ﷲ ގެ ދީނަށް ނަސުރުވެރި ވުމަށެވެ. މިދީނުގެ އަދާވާތްތެރީންގެ ފަރާތުން އަންނަ ކޮންމެ ހަމަލާއެއްގެ ދިފާއުގައި އެންމެން އެކީއެކަށް ތެދުވެގަތުމަށެވެ. މިދީނުގެ ދަޢުވަތު މީސްތަކުންނަށް ފޯރުކޮށްދީ ހަޤީޤީ އިސްލާމްދީން މީސްތަކުންނަށް ތަބްލީޣު ކޮށްދިނުމަށެވެ.
ގޮވާލުމެއް :-
އޭމުސްލިމު އަޚުންނާއި އުޚްތުނެނޭވެ! ނިކަން އެންމެ ފަހަރަކުވެސް ތިމާގެ ޢަމަލުތަކާއިމެދު ވިސްނާ ފިކުރުކޮށްބަލާށެވެ. ތިމާޔަށް މި އުޅެވެނީ ޙަޤީޤީ އިސްލާމަދީނުގައިތޯ އަމިއްލަ ނަފުސާ ސުވާލުކޮށްބަލާށެވެ. ތިމާގެ އަޚުންގެ މުޅަ މަސްކެއުމާއި ނުބައި ހީކުރުންތައް ހީކުރުން ނޫން އެހެން ކަމެއް ތިމާޔަށް އެބަކުރެވޭތޯ އަމިއްލަ ނަފުސާއި ސުވާލުކޮށްބަލާށެވެ. ދީނުގެ ދިފާޢުގައި ތިމާޔަށް ކުރެވުނީ ކޮންކެމެއް ތޯ ސުވާލުކޮށްބަލާށެވެ.
ޒާތީ މަސްލަހަތުތައް އިސްކޮށް ހަވާނަފުސުގެ އެދުންތަކުގެ އަވާގައި ޖެހި ޣާފިލުވެފައިތިއްބާ އަޅުގަނޑުމެންގެ އަދުއްވުން އަޅުގަނޑުމެންނާ ކުރިމަތިލަމުން މިހިރަ ގެންދަނީ ފިސާރި ޖޯޝާއި ފޯރީގައެވެ. ބަދަހި ގުޅުމަކާއިއެކުގައެވެ.
މުސްލިމް އަޚުނާއި އުޚުތުންނޭވެ! މިވެނި އެވެނި މީހެއްގެ ތުނބުޅި މީގެ ދެތިން މަސްކުރިން ހުރީ ކިހާވަރަކަށްތޯ؟ މިވެނި ޝައިޚަކު ކިޔަވާވިދާޅުވެގެން ވަޑައިގެންނެވިއިރު ހުންނެވީ ޖުއްބާ ތުރުކުރައްވައިގެންތޯ ބެލުމުގެ ބަދަލުގައި އަޅުގަނޑުމެންގެ ތެރެޔަށް ލާދީނީ އޮއެވަރު އަންނަނީ ކޮންކޮން ދިމަދިމާލަކުންތޯ؟ އެކަންތަކަށް އޮތް ހައްލަކީ ކޮބައިތޯ ބަލައި ހޯދުން އަޅުގަނޑުމެންގެ މި ކުރު ޙަޔާތާ އަޅާބަލާއިރު މާ އަގުބޮޑެވެ. މިކަމަށް އަވަސްވެގަންނަމާ ހިންގަވާށެވެ
