އަޅުގަނޑުމެންގެ ތެރެއިން ބައެއް މީހުން ހައިރާންވެ އަންތަރީސް ވެދާނެއެވެ. ދަންނަވަންތޯއެވެ؟ މިއީ ޙަޤީޤަތެވެ. ﷲ ސުބުޙާނަހޫ ވަތަޢާލާ ވަނީ އެއިލާހު ވުޖޫދުކުރައްވާފައިމިވާ ކާއިނާތާއި، މިކާއިނާތުގައި ވާހާ ތަކެއްޗާއިމެދު ވިސްނާ ފިކުރު ކުރުމަށް، އަދި އެ ވިސްނުމުގެ ޒަރިއްޔާއިން ހޯދައިގަނެވޭ ޢިލްމުން ފައިދާ ލިބިގަތުމަށް ގޮވާލައްވާފައެވެ. އެއީ އަޅުތަކުންނަށް އެއިލާހުގެ ކުޅަދުންވަންތަކަމުގެ ހެކި ދެއްކެވުމަށެވެ.
ކާއިނާތުގެ ކަންކަމާއިމެދު ވިސްނާ ފިކުރުކުރުމީ ސައިންސުގެ ޢިލްމެއް ކަމުގައިވާއިރު ކީރިތި ޤުރުއާނުގެ 700 އަށްވުރެ ގިނަ އާޔަތުގައި ސައިންސުގެ ހޯދުންތަކަށް ގޮވާލައްވާފައިވެއެވެ. ކީރިތި ޤުރުއާނުގެ އުސްލޫބަށް ބަލާއިރު ބައެއް އާޔަތްތަކުގައި ﷲ ސުބުޙާނަހޫ ވަތަޢާލާ ވަނީ އެއިލާހުގެ ޚަލްޤު ކުރެއްވުމާއިމެދު ވިސްނާ ފިކުރު ނުކުރަނީތޯ ސުވާލުކުރައްވާފައެވެ. އަނެއްބައި އާޔަތްތަކުގައި ވަނީ ވިސްނާ ފިކުރުކުރުމަށް ގޮވާލައްވާފައެވެ. މިއިން ކޮންމެ އާޔަތަކުންވެސް އަޅުގަނޑުމެންނަށް ފެނި ކަށަވަރުވަނީ ސައިންސުގެ ހޯދުންތަކަށް ކީރިތި ޤުރުއާން ބާރުއަޅާފައިވާ މިންވަރެވެ.
އަޤްލީގޮތުން ބަލާއިރު މީހަކު ބުނާ ބަހެއް، ނުވަތަ އޭނާ އިއްވާ ބަޔާނަކާއިމެދު ޚުދު އޭނާގެ ހިތުގައި ޔަޤީންކަމެއް، ސާބިތުކަމެއް ލިބިފައި ނުވާކަމުގައިވާނަމަ އެހެން މީހުން އޭގެ ތެދު ދޮގު ބެލުމަށް އޭނާ ފަސްޖެހޭނެއެވެ. އަދި ޙާޤީޤަތް އޮޅުން ފިލުވުމަށް ގޮވައިވެސް ނުލާނެއެވެ. މި ޙަޤީޤަތް މިގޮތުގައި އޮތުމާއެކުވެސް އޭގެކުރީން ދުވަހަކުވެސް ބަޔަކު ވާހަކަ ދައްކާ، ފިކުރު ކޮށްފައިނުވާ އެތައް ސައިންޓިފިކް ހެކިތަކެއް ބަޔާން ކުރެއްވުމަށްފަހު، ހަމަ އެ ހެކިތައް އިތުރަށް ސާބިތުކުރުވަނިވި ހޯދުންތައް ހޯދައި، ޤުދުރަތުގެ ރޭވުންތެރިކަމާއިމެދު ވިސްނާ ފިކުރުކުރުމަށް ކީރިތި ޤުރުއާން ވަނީ ގޮވާލާފައެވެ. މިކަމުން އަޅުގަނޑުމެން ދެނެގަންނަންވީ ޙަޤީޤަތަކީ ކީރިތި ޤުރުއާން އޭގެ ޒާތައް ދީފައިވާ ޔަޤީންކަމާއި ސާބިތުކަމެވެ. އެއީ އާދައިގެ އިންސާނެއްގެ ބަހެއް ނޫންކަމާއި، ޢިލްމުގެ މައްޗަށް ޢިލްމު ލިބިވޮޑިގެންވާ ﷲ ގެ ވަޙީބަސްފުޅުކަމެވެ.
އާދޭހެވެ! އަޅުގަނޑުގެ މުޅި ލިޔުމުގައިވެސް ދަޢުވާކުރަމުން މިދަނީ ކީރިތި ޤުރުއާން ސައިންސުގެ ހޯދުންތަކަށް ގޮވާލައްވާފައިވާ ކަމުގެ ދަޢުވާއެވެ. ކޮންމެ ދަޢުވާއެއްވެސް ކުރަމުންދާއިރު އެޔަށް ހެކި ސާބިތުކޮށްދިނުމީ ދަޢުވާގެ ސައްޙަކަން ކަށަވަރުކޮށްދޭ ދަލީލެވެ. ވުމާއައެކު އަޅުގަނޑުގެ ދަޢުވާގެ މައްޗަށް ދަލީލު ހުށައެޅުމާއިގެން އަވަސްވެގަންނަމެވެ. ތިރީގައި މި ދަންނަވާލަނީ ސައިންސުގެ ހޯދުންތަކަށް ގޮވާލާފައިވާ ދެތިން އާޔަތުގެ މާނައެވެ. އަދި އޭގެ އިތުރަށް ދެތިން ހަތަރު އާޔަތުގެ އާޔަތް ނަމްބަރާއި، ސޫރަތް ނަމްބަރެވެ.
"ކަލޭގެފާނު ވިދާޅުވާށެވެ! ތިޔަބައިމީހުން ބިމުގައި ދަތުރުފަތުރުކޮށް އުޅޭށެވެ! އަދި ﷲ ޚަލްޤުތަކުން ފުރަތަމަ އުފެއްދެވިގޮތް، ތިޔަބައިމީހުން ވިސްނައިބަލާށެވެ!" (ސޫރަތުލް ޢަންކަބޫތު 20)
"ފަހެ އިންސާނާ، އޭނާ ހައްދަވާފައިވަނީ ކޮންއެއްޗަކުންކަން ބަލައިފާ ހުށިކަމެވެ!" (ސޫރަތުއް ޠާރިޤް 5)
"ފަހެ ޖަމަލު ހެއްދަވާފައިވަނީ، ކޮންފަދައަކުން ކަމާމެދު އެއުރެން ޖަމަލަށް ނުބަލަނީ ހެއްޔެވެ." (ސޫރަތުލް ޣާޝިޔާ 17)
(24: 43 . 31: 29 ، 39 . 35: 27 . 39: 21)
މި ދަލީލުތަކާއެއެކު އަޅުގަނޑުގެ ލިޔުން ކުރުކޮށްލަމެވެ.
އަޤްލީގޮތުން ބަލާއިރު މީހަކު ބުނާ ބަހެއް، ނުވަތަ އޭނާ އިއްވާ ބަޔާނަކާއިމެދު ޚުދު އޭނާގެ ހިތުގައި ޔަޤީންކަމެއް، ސާބިތުކަމެއް ލިބިފައި ނުވާކަމުގައިވާނަމަ އެހެން މީހުން އޭގެ ތެދު ދޮގު ބެލުމަށް އޭނާ ފަސްޖެހޭނެއެވެ. އަދި ޙާޤީޤަތް އޮޅުން ފިލުވުމަށް ގޮވައިވެސް ނުލާނެއެވެ. މި ޙަޤީޤަތް މިގޮތުގައި އޮތުމާއެކުވެސް އޭގެކުރީން ދުވަހަކުވެސް ބަޔަކު ވާހަކަ ދައްކާ، ފިކުރު ކޮށްފައިނުވާ އެތައް ސައިންޓިފިކް ހެކިތަކެއް ބަޔާން ކުރެއްވުމަށްފަހު، ހަމަ އެ ހެކިތައް އިތުރަށް ސާބިތުކުރުވަނިވި ހޯދުންތައް ހޯދައި، ޤުދުރަތުގެ ރޭވުންތެރިކަމާއިމެދު ވިސްނާ ފިކުރުކުރުމަށް ކީރިތި ޤުރުއާން ވަނީ ގޮވާލާފައެވެ. މިކަމުން އަޅުގަނޑުމެން ދެނެގަންނަންވީ ޙަޤީޤަތަކީ ކީރިތި ޤުރުއާން އޭގެ ޒާތައް ދީފައިވާ ޔަޤީންކަމާއި ސާބިތުކަމެވެ. އެއީ އާދައިގެ އިންސާނެއްގެ ބަހެއް ނޫންކަމާއި، ޢިލްމުގެ މައްޗަށް ޢިލްމު ލިބިވޮޑިގެންވާ ﷲ ގެ ވަޙީބަސްފުޅުކަމެވެ.
އާދޭހެވެ! އަޅުގަނޑުގެ މުޅި ލިޔުމުގައިވެސް ދަޢުވާކުރަމުން މިދަނީ ކީރިތި ޤުރުއާން ސައިންސުގެ ހޯދުންތަކަށް ގޮވާލައްވާފައިވާ ކަމުގެ ދަޢުވާއެވެ. ކޮންމެ ދަޢުވާއެއްވެސް ކުރަމުންދާއިރު އެޔަށް ހެކި ސާބިތުކޮށްދިނުމީ ދަޢުވާގެ ސައްޙަކަން ކަށަވަރުކޮށްދޭ ދަލީލެވެ. ވުމާއައެކު އަޅުގަނޑުގެ ދަޢުވާގެ މައްޗަށް ދަލީލު ހުށައެޅުމާއިގެން އަވަސްވެގަންނަމެވެ. ތިރީގައި މި ދަންނަވާލަނީ ސައިންސުގެ ހޯދުންތަކަށް ގޮވާލާފައިވާ ދެތިން އާޔަތުގެ މާނައެވެ. އަދި އޭގެ އިތުރަށް ދެތިން ހަތަރު އާޔަތުގެ އާޔަތް ނަމްބަރާއި، ސޫރަތް ނަމްބަރެވެ.
"ކަލޭގެފާނު ވިދާޅުވާށެވެ! ތިޔަބައިމީހުން ބިމުގައި ދަތުރުފަތުރުކޮށް އުޅޭށެވެ! އަދި ﷲ ޚަލްޤުތަކުން ފުރަތަމަ އުފެއްދެވިގޮތް، ތިޔަބައިމީހުން ވިސްނައިބަލާށެވެ!" (ސޫރަތުލް ޢަންކަބޫތު 20)
"ފަހެ އިންސާނާ، އޭނާ ހައްދަވާފައިވަނީ ކޮންއެއްޗަކުންކަން ބަލައިފާ ހުށިކަމެވެ!" (ސޫރަތުއް ޠާރިޤް 5)
"ފަހެ ޖަމަލު ހެއްދަވާފައިވަނީ، ކޮންފަދައަކުން ކަމާމެދު އެއުރެން ޖަމަލަށް ނުބަލަނީ ހެއްޔެވެ." (ސޫރަތުލް ޣާޝިޔާ 17)
(24: 43 . 31: 29 ، 39 . 35: 27 . 39: 21)
މި ދަލީލުތަކާއެއެކު އަޅުގަނޑުގެ ލިޔުން ކުރުކޮށްލަމެވެ.
