ފަހަކަށް އައިސް މާތްވެގެންވާ އިސްލާމްދީނުގެ އަސްލު ސޫރަ އޮޅުވާލައި، އިސްލާމްދީނާއިމެދު މީސްތަކުންގެ ހިތުގައި ޝައްކާއި ވަހުމު އުފައްދަން ދިވެހީންގެތެރެއިންވެސް ބަޔަކު މަސައްކަތް ކުރަމުން ދެއެވެ. މިބައިމީހުން މާތް ނަބިއްޔާ ޞައްލަﷲ ޢަލައިހި ވަސައްލަމަގެ ޙަދީޘްތަކުގެ އިނގިރޭސި ތަރުޖަމާ ބަލައިގެން އެ ޙަދީޘްތައް ދިވެހި ބަހައް ތަރުޖަމާކޮށް އޭގެ މަފްހޫމާއި، އަސްލު މާނަ އޮޅުވާލަން މަސައްކަތް ކުރެތެވެ. ޙަދީޘްތަކާއިމެދު ޝައްކާއި ވަހުމް އުފައްދަން މަސައްކަތް ކުރެތެވެ. މިގޮތުން މިބައިމީހުން އިސްލާމްދީނާއި ކުޅެލުމަށް ބޭނުންކުރާ އެއް ޙަދީޘަކީ ސަޙީހުލް ބުޙާރީގެ ވޮލިއުމް ނަމްބަރު 1 ފޮތް ނަމްބަރު 6ގެ 298 ވަނަ ޙަދީޘެވެ. މުސްތަޝްރިޤުން މިޙަދީޘްގެ ބައެއް ތަރުޖަމާކޮށް ޙަދީޘް އޮޅުވާލުމަށް މަސައްކަތް ކުރިނަމަވެސް އެއުރެންގެ ވާހަކާގައި ބުރަދަނެއް ނެތެވެ. މީގެ ތެރެއިން އެކަކު އިސްވެ ދެންނެވި ޙަދީޘްގެ ބައެއް ތަރުޖަމާކުރާ ގޮތާއި، އެނާ މިޙަދީޘް ތަރުޖަމާ ކުރުމަށް ބޭނުންކުރާ އިނގިރޭސި ތަރުޖަމާގެ އަސްލު ނަކަލުކޮށްލާނަމެވެ.
During the menses, he used to order me to put on an Izar (dress worn below the waist) and used to fondle me.
މިއީ ޙަދީޘްގެ އެއްބައެވެ. މުސްތަޝްރިޤުން މިބައި ތަރުޖަމާކުރަނީ އަންނަނިވި ގޮތަށެވެ. "ހައިލުގެ ދުވަސްވަރު، އިތުރުއެކަލޭގެފާނު އަހުރެންނަށް އިޒާރު އެންނެވުމަށް އަމުރުފުޅުކުރައްވައި އަހުރެންނާއި ކުޅުއްވަތެވެ" މިތަރުޖަމާގެ މައްޗަށް ބިނާކޮށް މުސްތަޝްރިޤުން ދައްކާ ވާހަކަތަކާއި، އެޔަށް އަޅުގަނޑު އަރުވަންބޭނުންވާ ޖަވާބު ތިރީގައި މިދަންނަވާލަނީއެވެ.
1. ޙައިޞުގެ ދުވަސްވަރު އިސްލާމްދީނުގެ ނަބިއްޔާ، އެކަލޭގެފާނުގެ އަބިކަނބަލުންނާއި ޖިމާއުވެ ވަޑައިގަންނަވައެވެ.
ޖަވާބު:- އުއްމުލް މުއުމިނީން ޢާއިޝާގެ ޙައިޟުގެ މުއްދަތުގައި އެކަމަނާގެ އިޒާރު އެންނެވުމަށް އެކަމާނާގެ ފިރިކަލުން "ޢަރަބީންގެ ނަބިއްޔާ" ޢަމުރު ކުރައްވާކަމުގައި ތިބާ އެއްބަސްވެއްޖެއީމުތާއެވެ؟ ތިބާގެ ތަރުޖަމާއިން އެކަން ވަރަށް ސާފުކޮށް އެނގެން އެބައޮތެވެ! އަޚާއެވެ! މިތާގައި މިވާ އިޒާރަކީ އުނަގަނޑުން ތިރި ކަމުގައިވާއިރު އެބައި ނިވާކުރައްވައިގެން ދެން އިތުުރު އެކަލޭގެފާނު ވެވަޑައިގަންނަވާނީ ކޮން ޖިމާއެއްތޯއެވެ؟؟؟
2. ނަބިއްޔާގެ މިފަދަ ޕާސަނަލް ވާހަކަތަކެއް ބުޙާރީމެން ރިވާކުރުމީ ކިހާ ހަޑިކަމެއް.
ޖަވާބު:- އިސްލާމްދީނުގައި، ޙައިޟުގެ މުއްދަތުގައި އަންހެނާގެ ކުރިމަތި ފަރާތް އެބަހީ ފަރުޖު ބޭނުންކުރުމީ ހުއްދަކަމެއް ނޫނެވެ. އެކަމަކީ ޙަރާމް ކަމެއްކަން ނައްސުން ސާބިތުވެއެވެ. އެހެނެއްކަމަކު ޤަބޫލުކުރަންޖެހޭ ޙަޤީޤަތަކީ ޝަހުވަތްތެރިކަމަކީ އިންސާނާގެ ހިތުތެރެއިން އުތުރި އަރައިގެން އަންނަ ޣަރީޒާއެކެވެ. އަނބިމީހާގެ ޙައިޟުގެ މުއްދަތުގައިވެސް ފިރިމީހާގެ މިޣަރިޒާއަކަށް ބަދަލެއް ނާދެއެވެ. އަނބިމީހާގެ ކުރިމަތިފަރާތް ބޭނުން ކުރުން މި މުއްދަތުގައި މަނާވެފައި އޮތުމާއިއެކު ފިރިމީހާގެ މި އެދުންވެރިކަން ޙަސީލުކޮށް މަތަ ކުރެވޭނޭ ކޮންމެވެސް ގޮތެއް އޮންނަން އެބަ ޖެހެއެވެ. މިގޮތުން ލޯބި ކުރުމީ ކުރެވިދާނޭ ކަމެއްކަން މިޙަދީޘުން ދަލީލު ލިބެއެވެ. ޢާއިޝާގެ ކިބައިން މިޙަދީޘް ރިވާކުރެއްވުމުން އުންމަތަށް ސާފުވެގެން ދިޔައީ ޙައިޟުގެ މުއްދަތުގައި ފަރުޖުގެ ބޭނުން ނުހިފި ކަމުގައިވިޔަސް ލޯބި ކުރެވިދާނޭ ކަމެވެ. ބުޙާރީ މިޙަދީޘް އެކަލޭގެފާނުގެ ފޮތުގައި ލިޔުއްވުމުގެ ނަތީޖާއަކީ މި ޙުކުމް އަޅުގަނޑުމެންނަށްވެސް އެނގުމެވެ. ދެންވެސް ތިބާ ބުނާނީ ނަބިއްޔާގެ ޕާސަނަލް ވާހަކައެއް ރިވާކުރުމީ ހަޑިކަމެކޭތޯއެވެ؟ ނޫނީ އެއީ މުޅި އުއްމަތައް ލިބުނު ރަހުމަތެކޭތޯއެވެ؟ މި ޙަދީޘް ޕާސަނަލް ވުމުގެ ސަބަބުން ރިވާ ކުރެއްވި ރާވީން މި ޙަދީޘް ރިވާ ނުކުރެއްވިނަމަހީ މިއަދު މުސްލިމް ފިރިހެނުންނަށް އެމީހުންގެ އަނބީންގެ ޙައިޟުގެ ދުވަސްވަރު ކުރިމަތިލާން ޖެހޭނީ ކޮންފަދަ ދަތިތަކަކާއިތޯއެވެ؟ ޙަދީޘްގެ ސަބަބުން ގޮތްހުސްވުމުގެ ފުރުސަތެއް ލިއްބައެއްނުދިނެވެ.
ދެންއޮތީ ތިބާ މިޙަދީޘް މާނަކޮށްފައިވާ ގޮތާއިބެހޭގޮތުން އަޅުގަނޑު ނަންގަންނަން ބޭނުން ވާހަކައެވެ. "ހައިލުގެ ދުވަސްވަރު ، އިތުރުއެކަލޭގެފާނު އަހުރެންނަށް އިޒާރު އެންނެވުމަށް އަމުރުފުޅުކުރައްވައި... މިހިސާބަށް ތިބާ ކޮށްފައިވާ ތަރުޖަމާ ގޯހެެއްނޫނެވެ. ދެން ތިބާވިދާޅުވަނީ "އަހުރެންނާއި ކުޅުއްވަތެވެ" މިފަދައިންނެވެ. ތިބާ ހާމަކޮށްދޭން ބޭނުމީ ކޮންތަނަކާއި ކުޅުއްވާ ވާހަކައެއްތޯއެވެ؟ ތިބާގެ ތަރުޖަމާޔަށް ބަލައިގެން މިޙަދީޘް ފަހުމެއް ނުވެއެވެ. "ކުޅުއްވަތެވެ" މިބަހުން ދޭހަވާ މާނަ ހިމެނޭ ލަފުޒެއް ތިބާ ނެރުނީ މި ޙަދީޘްގެ ކޮން މަސްދަރަކުންތޯއެވެ؟؟ އަޅުގަނޑަށް ލަފާކުރެވޭގޮތުގައި "ކުޅުއްވަތެވެ" މިބަސް ތިބާ ބޭނުން ކުރަނީ fondle މި ލަފުޒަށެވެ. އަޚާއެވެ! ތިބާ މިލަފުޒު މާނަކުރުމުގައި "ލޯބި ކުރައްވަތެވެ" މިފަދައިން ބޭނުންކުރިނަމަހީ ޙަދީޘް ފަހުމުވުމަށް ފަސޭހަވެ، އިތުރު ސުވާލު ކުރާކަށް އަޅުގަނޑަށް ނުޖެހުނީހެވެ. އަދި މާ ސާދާވެފަ ފުރިހަމަވީހެވެ. އެހެނީ މިތަނަށް އެންމެ ފެތޭ، އަދި އެންމެ ގުޅޭ ދިވަހި ލަފުޒަކީ "ލޯބިކުރުން" މިއެވެ.
މިސާލަކަށް ތިބާގެ ތަރުޖަމާ "ޙައިޟުގެ މުއްދަތުގައި، އިތުރު އެކަލޭގެފާނު އަހުރެންނަށް އިޒާރު (އުނަގަނޑުން ތިރިޔަށް ހެދުމުންވާބައި) އެންނެވުމަށް އަމުރުކުރައްވައި އަހުރެންނާއި ލޯބިކުރައްވަތެވެ." މިފަދަިއިން ކުރިނަމަވެސް ތަންކޮޅެއް ސާފުވެފަ، ސާދާވީހެވެ.
(މިތާގައި އަޅުގަނޑަށް ބުނެވިފައިވާ ކޮންމެ ހެޔޮބަހަކީ މާތްﷲ ގެ ތައުފީޤާއިއެކު ބުނެވިފައިވާ ބަހެކެވެ. އަދި ނުބައި ބަހެއް ބުނެވިފައިވާނަމަ އެއީ ހަމަ ކަށަވަރުން ޝައިތާނާގެ ވަސްވާހެވެ. މާތް ﷲ އަޅުގަނޑުމެންނަށް އެއިލާހުގެ ދީނުގެ ޢިލްމު ދެއްވާށިއެވެ) ހ
During the menses, he used to order me to put on an Izar (dress worn below the waist) and used to fondle me.
މިއީ ޙަދީޘްގެ އެއްބައެވެ. މުސްތަޝްރިޤުން މިބައި ތަރުޖަމާކުރަނީ އަންނަނިވި ގޮތަށެވެ. "ހައިލުގެ ދުވަސްވަރު، އިތުރުއެކަލޭގެފާނު އަހުރެންނަށް އިޒާރު އެންނެވުމަށް އަމުރުފުޅުކުރައްވައި އަހުރެންނާއި ކުޅުއްވަތެވެ" މިތަރުޖަމާގެ މައްޗަށް ބިނާކޮށް މުސްތަޝްރިޤުން ދައްކާ ވާހަކަތަކާއި، އެޔަށް އަޅުގަނޑު އަރުވަންބޭނުންވާ ޖަވާބު ތިރީގައި މިދަންނަވާލަނީއެވެ.
1. ޙައިޞުގެ ދުވަސްވަރު އިސްލާމްދީނުގެ ނަބިއްޔާ، އެކަލޭގެފާނުގެ އަބިކަނބަލުންނާއި ޖިމާއުވެ ވަޑައިގަންނަވައެވެ.
ޖަވާބު:- އުއްމުލް މުއުމިނީން ޢާއިޝާގެ ޙައިޟުގެ މުއްދަތުގައި އެކަމަނާގެ އިޒާރު އެންނެވުމަށް އެކަމާނާގެ ފިރިކަލުން "ޢަރަބީންގެ ނަބިއްޔާ" ޢަމުރު ކުރައްވާކަމުގައި ތިބާ އެއްބަސްވެއްޖެއީމުތާއެވެ؟ ތިބާގެ ތަރުޖަމާއިން އެކަން ވަރަށް ސާފުކޮށް އެނގެން އެބައޮތެވެ! އަޚާއެވެ! މިތާގައި މިވާ އިޒާރަކީ އުނަގަނޑުން ތިރި ކަމުގައިވާއިރު އެބައި ނިވާކުރައްވައިގެން ދެން އިތުުރު އެކަލޭގެފާނު ވެވަޑައިގަންނަވާނީ ކޮން ޖިމާއެއްތޯއެވެ؟؟؟
2. ނަބިއްޔާގެ މިފަދަ ޕާސަނަލް ވާހަކަތަކެއް ބުޙާރީމެން ރިވާކުރުމީ ކިހާ ހަޑިކަމެއް.
ޖަވާބު:- އިސްލާމްދީނުގައި، ޙައިޟުގެ މުއްދަތުގައި އަންހެނާގެ ކުރިމަތި ފަރާތް އެބަހީ ފަރުޖު ބޭނުންކުރުމީ ހުއްދަކަމެއް ނޫނެވެ. އެކަމަކީ ޙަރާމް ކަމެއްކަން ނައްސުން ސާބިތުވެއެވެ. އެހެނެއްކަމަކު ޤަބޫލުކުރަންޖެހޭ ޙަޤީޤަތަކީ ޝަހުވަތްތެރިކަމަކީ އިންސާނާގެ ހިތުތެރެއިން އުތުރި އަރައިގެން އަންނަ ޣަރީޒާއެކެވެ. އަނބިމީހާގެ ޙައިޟުގެ މުއްދަތުގައިވެސް ފިރިމީހާގެ މިޣަރިޒާއަކަށް ބަދަލެއް ނާދެއެވެ. އަނބިމީހާގެ ކުރިމަތިފަރާތް ބޭނުން ކުރުން މި މުއްދަތުގައި މަނާވެފައި އޮތުމާއިއެކު ފިރިމީހާގެ މި އެދުންވެރިކަން ޙަސީލުކޮށް މަތަ ކުރެވޭނޭ ކޮންމެވެސް ގޮތެއް އޮންނަން އެބަ ޖެހެއެވެ. މިގޮތުން ލޯބި ކުރުމީ ކުރެވިދާނޭ ކަމެއްކަން މިޙަދީޘުން ދަލީލު ލިބެއެވެ. ޢާއިޝާގެ ކިބައިން މިޙަދީޘް ރިވާކުރެއްވުމުން އުންމަތަށް ސާފުވެގެން ދިޔައީ ޙައިޟުގެ މުއްދަތުގައި ފަރުޖުގެ ބޭނުން ނުހިފި ކަމުގައިވިޔަސް ލޯބި ކުރެވިދާނޭ ކަމެވެ. ބުޙާރީ މިޙަދީޘް އެކަލޭގެފާނުގެ ފޮތުގައި ލިޔުއްވުމުގެ ނަތީޖާއަކީ މި ޙުކުމް އަޅުގަނޑުމެންނަށްވެސް އެނގުމެވެ. ދެންވެސް ތިބާ ބުނާނީ ނަބިއްޔާގެ ޕާސަނަލް ވާހަކައެއް ރިވާކުރުމީ ހަޑިކަމެކޭތޯއެވެ؟ ނޫނީ އެއީ މުޅި އުއްމަތައް ލިބުނު ރަހުމަތެކޭތޯއެވެ؟ މި ޙަދީޘް ޕާސަނަލް ވުމުގެ ސަބަބުން ރިވާ ކުރެއްވި ރާވީން މި ޙަދީޘް ރިވާ ނުކުރެއްވިނަމަހީ މިއަދު މުސްލިމް ފިރިހެނުންނަށް އެމީހުންގެ އަނބީންގެ ޙައިޟުގެ ދުވަސްވަރު ކުރިމަތިލާން ޖެހޭނީ ކޮންފަދަ ދަތިތަކަކާއިތޯއެވެ؟ ޙަދީޘްގެ ސަބަބުން ގޮތްހުސްވުމުގެ ފުރުސަތެއް ލިއްބައެއްނުދިނެވެ.
ދެންއޮތީ ތިބާ މިޙަދީޘް މާނަކޮށްފައިވާ ގޮތާއިބެހޭގޮތުން އަޅުގަނޑު ނަންގަންނަން ބޭނުން ވާހަކައެވެ. "ހައިލުގެ ދުވަސްވަރު ، އިތުރުއެކަލޭގެފާނު އަހުރެންނަށް އިޒާރު އެންނެވުމަށް އަމުރުފުޅުކުރައްވައި... މިހިސާބަށް ތިބާ ކޮށްފައިވާ ތަރުޖަމާ ގޯހެެއްނޫނެވެ. ދެން ތިބާވިދާޅުވަނީ "އަހުރެންނާއި ކުޅުއްވަތެވެ" މިފަދައިންނެވެ. ތިބާ ހާމަކޮށްދޭން ބޭނުމީ ކޮންތަނަކާއި ކުޅުއްވާ ވާހަކައެއްތޯއެވެ؟ ތިބާގެ ތަރުޖަމާޔަށް ބަލައިގެން މިޙަދީޘް ފަހުމެއް ނުވެއެވެ. "ކުޅުއްވަތެވެ" މިބަހުން ދޭހަވާ މާނަ ހިމެނޭ ލަފުޒެއް ތިބާ ނެރުނީ މި ޙަދީޘްގެ ކޮން މަސްދަރަކުންތޯއެވެ؟؟ އަޅުގަނޑަށް ލަފާކުރެވޭގޮތުގައި "ކުޅުއްވަތެވެ" މިބަސް ތިބާ ބޭނުން ކުރަނީ fondle މި ލަފުޒަށެވެ. އަޚާއެވެ! ތިބާ މިލަފުޒު މާނަކުރުމުގައި "ލޯބި ކުރައްވަތެވެ" މިފަދައިން ބޭނުންކުރިނަމަހީ ޙަދީޘް ފަހުމުވުމަށް ފަސޭހަވެ، އިތުރު ސުވާލު ކުރާކަށް އަޅުގަނޑަށް ނުޖެހުނީހެވެ. އަދި މާ ސާދާވެފަ ފުރިހަމަވީހެވެ. އެހެނީ މިތަނަށް އެންމެ ފެތޭ، އަދި އެންމެ ގުޅޭ ދިވަހި ލަފުޒަކީ "ލޯބިކުރުން" މިއެވެ.
މިސާލަކަށް ތިބާގެ ތަރުޖަމާ "ޙައިޟުގެ މުއްދަތުގައި، އިތުރު އެކަލޭގެފާނު އަހުރެންނަށް އިޒާރު (އުނަގަނޑުން ތިރިޔަށް ހެދުމުންވާބައި) އެންނެވުމަށް އަމުރުކުރައްވައި އަހުރެންނާއި ލޯބިކުރައްވަތެވެ." މިފަދަިއިން ކުރިނަމަވެސް ތަންކޮޅެއް ސާފުވެފަ، ސާދާވީހެވެ.
(މިތާގައި އަޅުގަނޑަށް ބުނެވިފައިވާ ކޮންމެ ހެޔޮބަހަކީ މާތްﷲ ގެ ތައުފީޤާއިއެކު ބުނެވިފައިވާ ބަހެކެވެ. އަދި ނުބައި ބަހެއް ބުނެވިފައިވާނަމަ އެއީ ހަމަ ކަށަވަރުން ޝައިތާނާގެ ވަސްވާހެވެ. މާތް ﷲ އަޅުގަނޑުމެންނަށް އެއިލާހުގެ ދީނުގެ ޢިލްމު ދެއްވާށިއެވެ) ހ
