މިދުވަސްވަރު އެ ޚަބަރަކާއިމެދު ދިވެހީންގެ ސަމާލުކަން އެންމެބޮޑަށް ހުއްޓިފައިވާ އެއް ޚަބަރަކީ ދެޖިންސު މަސްހުނިކޮށް ކިޔަވައިދިނުމާ ބެހޭގޮތުން ދެކެވޭ ވާހަކައެވެ. ދެޖިންސް ވަކިން ކިޔަވައިދިނުމުގެ ދިގު މާޒީއެއް ލިބިފައިވާ މަޖީދިޔާ އާއި އަމީނިޔާގެ އިތުރުން ދަރުމަވަންތަ ސްކޫލާއި، އެންމެ ފަހުން ހުޅުވުނު އެއް ސްކޫލް ކަމުގައިވާ ހިރިޔާ ސްކޫލްވެސް ހިމެނޭގޮތުން، ދިވެހިރާއްޖޭގެ ހުރިހާ ސްކޫލަކީވެސް ދެޖިންސް މަސްހުނިކޮށް ކިޔަވައިދޭ ސްކޫލަކަށް ހެދުމީ ތަޢުލީމާ ބެހޭ ވަޒީރު ޑރ.މުސްޠަފާ ލުޠުފީގެ 2011 ވަނަ އަހަރުގެ ތަސައްވުރެވެ.
އާދޭހެވެ! މި ތަސައްވުރަކީ، އަޅުގަނޑުމެން އެދީނަކަށް ނިސްބަތްވާ، މާތްވެގެންވާ އިސްލާމްދީނާއި، ތަޢުލީމީ ދާއިރާގެ ދުނިޔޭގެފެންވަރުގެ ދިރާސާތައް ކުރައްވާފައިވާ ތަޖުރިބާކާރުންގެ ދިރާސާތަކުގެ ނަތީޖާތަކާއި މުޅީން ތަޢާރުޒުވާ ކަމެކެވެ. ކިތަންމެ މަތީ ފާހެއް ނަންގަވައިގެން ހުންނެވިކަމުގައި ވިޔަސް މިފަހަރު ޑރ. މުސްޠަފާ ލުޠުފީގެ މި ތަސައްވުރަކީ ދުނިޔޭގެ ފެންވަރުގައި ފެއިލްވެފައިވާ ސިޔާސަތެކެވެ. އަޅުގަނޑުމެންގެ ތެރޭގައި ތިއްބެވި އިތުބާރު ހުރި ދީނީ ޢިލްމުވެރިން އެކަމަކާމެދު ކަންބޮޑުވުން ފާޅުކުރައްވަމުން ގެންދަވާ ލާދީނީ ސިޔާސަތެއްވެސްމެއެވެ. ނަމަވެސް ހިތާމަޔަކީ މިފަދަ ލާދީނީ ސިޔާސަތުތަކުގެ ވެރީންގެ ދިފާޢުގައި މުސްލިމް ދިވެހި ދަރީންތަކެއް ވަކާލާތުކުރައްވަމުން ގެންދަވާކަމެވެ.
މީގެކުރީންވެސް، އަދި މިހާރުވެސް ދިވެހިރާއްޖޭގެ ގިނަ ސްކޫލްތަކުގައި ކިޔަވާދެމުންދަނީ ދެޖިންސް މަސްހުނިކޮށް ކަމަށާއި، މިހާރު މާ ބޮޑުކޮށްގެން މިވާހަކަ ދައްކަވާ ބޭފުޅުން ވާހަކަ ދައްކަވަނީ ކީއްވެގެންތޯ ސުވާލުކުރައްވަމުން، އެއީ ސިޔާސީ މަޤްޞަދެއްގައިކަމަށް ވިދާޅުވެ ވާހަކަފުޅު ދައްކަވަމުން ގެންދަވާ ދިވެހި މުސްލިމް އަޚުނާއި އުޚްތުނެނޭވެ!
ދިވެހިރާއްޖޭގައި ޒަމާންތަކަކަށް ދިގުދެމިގެންދިޔަ ވެރިކަމެއް ބަދަލުކޮށް ދިވެހި ޤައުމުގެ ހުންގާނު މުޅީން އައު ސަރުކާރަކާއި، ދިވެހި ރައްޔިތުން ޙަވާލުކުރީ، ވެދިޔަތާގައިވެސް ކަންތައް ކުރީ މިހެންނޭ، މިހާރު ދެން ކޮބައިތޯ މައްސަލަޔަކީ، މިހެންބުނެ އިހު ކަންތައް ކުރިފަދައިން ވެރިކަމުގެ ކަންކަން ހިންގާކަށެއް ނޫނެވެ. ވެދިޔަތާއިގައި ހެދިފައިވާ ގޯސްތަކުން ޢިބުރަތް ލިބިގަނެ، އެފަދަ ގޯސްތަކުން މިރާއްޖެ ސަލާމްތަކޮށްދީ، ކުރިޔަށް ކަނޑައެޅޭ ސިޔާސަތުތަކަކީ މާތްވެގެންވާ އިސްލާމްދީނާއި، ދިވެހި ޖުމްހޫރިއްޔާގެ ޤާނޫން އަސާސީއަށް ރިޢާޔަތް ކުރެވިގެން ކަނޑައެޅޭ މި ލޮބުވެތި ވަޠަނަށް ފައިދާހުރި ސިޔާސަތު ތަކަކަށް ހެދުމަށް ނޫނީ، މިރާއްޖޭގެ ވެރިކަން އަޅުގަނޑުމެން އައު ސަރުކާރަކާ ޙަވާލެއް ނުކުރަމުއެވެ.
ދެޖިންސް މަސްހުނިކޮށް ކިޔަވައިދިނުމާއި ދެކޮޅުވެރިވެ، ހަމަ ކުއްލިޔަކަށް މިއަދު މިވާހަކަ ބާރުލާފައި ދައްކަނީ ކިއްވެތޯ ސުވާލުކުރައްވާ ދިވެހި މުސްލިމް އަޚުންނާއި އުޚްތުންނޭވެ! އަޅުގަނޑުމެން އިންސާނުންނީ ތަފާތު އެތައްކަމެއްގައި މަޝްޢޫލުވެ، މުހިއްމު އެތަކެއް ކަންތައްތަކަކާއިމެދު ޣާފިލް ވެފައިވާ ބަޔަކީމުއެވެ. މިބީދައިން، މި މުޙިއްމު މައްސަލަޔާމެދުވެސް އަޅުގަނޑުމެން ތިބީ ޣާފިލުވެފައެވެ. މި ޙާލަތުގައި އަޅުގަނޑުމެންތިއްބާ 2011 ވަނަ އަހަރަށް މިނިސްޓަރީ އޮފް އެޑިއުކޭޝަނުން ރާއްޖޭގެ ހުރިހާ ސްކޫލެއް ދެޖިންސް މަސްހުނިކުރުމުގެ ސިޔާސަތު ޢިލާނު ކުރީއެވެ. އެހިނދު އަޅުގަޑުމެން ޣާފިލްވެފައިވާ މި މުހިއްމު މައްސަލަމަތީން ހަނދާންވެ، މިކަމާ ތެދުވުމުގެ ޖޯޝާއި ފޯރި އާވެ އާލާވީއެވެ.
ޙަޤީޤަތަކީ މިއީކަމުގައިވާއިރު، ޑރ.ލުޠުފީގެ މި ލާދީނީ ސިޔާސަތުގެ ދިފާޢުގައި ވާހަކަ ދެއްކުމަކީ، ނަމުން މުސްލިމް ކިޔައިގެނތިބި ދިވެހި ލޮބުވެތި ރައްޔިތުން ލަދުވެތިވާން ޖެހޭނޭ ކަމެކެވެ. ބަޔަކު، ސިޔާސީ މަޤްޞަދެއްގައި ނަމަވެސް، އަދި އިޚްލާޞްތެރި ނިޔަތެއްގައި ނަމަވެސް ކުރާ ކަމަކުން މާތްވެގެންވާ އިސްލާމްދީނުގެ ވަޙުދަތު ރައްކާތެރިވެ، ލާދީނިއްޔަތުގެ ފަލްސަފާއެއް މިޤައުމުން ފައްސާ ނަގާލެވޭނަމަ އެކަމަކާ، އަޅުގަނޑުމެން ތާޢީދުކުރުމީ އެންމެ ރިވެތި އަދި އެންމެ ފުރިހަމަ ގޮތެވެ. ބައެއްގެ ނިޔަތް ކިތަންމެ ގޯސްވީނަމަވެސް ތިމަތިމާމެންގެ ނިޔަށް ﷲ އަށް އިޚްލާޞްތެރިކޮށްފިނަމަ އެކަމަކަށް ތިމާޔަށް ޙައްޤު ޖަޒާ މާތް ﷲ ދެއްވާނެއެވެ.
މުސްލިމް ދިވެހި ރައްޔިތުންނޭވެ! އިސްލާމްދީނަކީ އެދީނުގެ އާބާދީގެ ނިސްބަތާމެދު ފަޚުރުވެރިވާ ދީނެއް ނޫނެވެ. އަދި އަދަދުގެ ގޮތުން މުސްލިމުން ގިނަވުމަކުން އެދީނަށް ލިބުންވާ އިތުރު ނަޞްރެއް ނެތެވެ. އަދަދުގެ ގޮތުން އެތައް ގުނައެއް މަދު، ވަޞީލަތުގެގޮތުން އިންތިހާދަރަހައިގެ ނިކަމެތިކަމެއް މުސްލިމުންނަށް ލިބިފައިވީ ދުވަހު ބަދުރުގެ މައިދާނުގައި މުސްލިމުންވަނީ ނަޞްރާއި ފަތަހަ ހޯދާފައެވެ. ހަމައެއާއިއެކު މުސްލިމުންގެ އަދަދުގެ ގިނަކަންމައްޗަށް ފަޚުރުވެރިވެތިބެގެން ކުރި ޖިހާދުތަކުން މުސްލިމުން ބަލިވެފައިވާކަންވެސް އިސްލާމީ ތާރީޚުގެ ފަތްފުއްތައް ހެކިދެއެވެ. މުސްލިމުންނަށް ނަޞްރާއި ކަމިޔާބު ލިބުންވަނީ އެއުރެން ﷲ އާއި ރަސޫލާ ޞައްލަﷲ ޢަލައިހި ވަސައްލަމަގެ މައްޗަށް ލޯބިކޮށް ނިޔަތް އިޚްލާޞްތެރި ކުރިވަރެއްގެ މައްޗަށެވެ.
ކީރިތި ޤުރުއާނާއި، ރަސޫލާ ޞައްލަﷲ ޢަލައިހި ވަސައްލަމަގެ އަގުމާތްވި އިރުޝާދާއި ޚިލާފުކަމެއް ބަޔަކުމީހުން ކުރާނަމަ، ނުވަތަ ކުރަން އުޅޭނަމަ މުއުމިނުންގެ ގޮތަކީ ހިތާއި، ދުލުން އެކަމެއް މަނާކުރުމެވެ. މުޅި މީހާގެ ޒަމީރު އެކަމަކާ ދެކޮޅުވެރިކުރުވުމެވެ. އެކަމެއް ކުރަން އުޅެނީ، ތިމާ ނިސްބަތްވާ ޕާޓީ ބޭފުޅެއްތޯ، ތިމާ ލޯބިކުރާ ސިޔާސީ ޒަޢީމުތޯ ބަލައި، އެފަދަ މީހެއް ނަމަ އެކަމާ ނުރުހުން ފާޅުނުކުރުން އެއީ މުއުމިނުންގެ ގޮތެއް ނޫނެވެ. އޭ މަގޭ މުސްލިމް އަޚުންނާއި އުޚްތުންނޭވެ! ތިމާ ނިސްބަތްވާ ސިޔާސީ ޕާޓީއަށްވުރެ، ތިމާ ލޮބިކުރާ ސިޔާސީ ޒަޢީމަށްވުރެ، ތިމާގެ ދީން އިސްނުކުރާހާ ހިނދަކު ތިމާގެ އީމާންކަން ފުރިހަމަ ނުވާނޭކަން ހަނދާންކުރާށެވެ! ނަބަވީ އިރުޝާދުން އެނގޭގޮތުގައި، އަމިއްލަ ނަފްސައްވުރެވެސް ބޮޑަށް ﷲ އާއި، ރަސޫލާޔަށް ލޯބި ނުކުރާހާ ހިނދަކު އީމާންކަން ފުރިހަމަ ނުވެއެވެ.
އާދޭހެވެ! މި ތަސައްވުރަކީ، އަޅުގަނޑުމެން އެދީނަކަށް ނިސްބަތްވާ، މާތްވެގެންވާ އިސްލާމްދީނާއި، ތަޢުލީމީ ދާއިރާގެ ދުނިޔޭގެފެންވަރުގެ ދިރާސާތައް ކުރައްވާފައިވާ ތަޖުރިބާކާރުންގެ ދިރާސާތަކުގެ ނަތީޖާތަކާއި މުޅީން ތަޢާރުޒުވާ ކަމެކެވެ. ކިތަންމެ މަތީ ފާހެއް ނަންގަވައިގެން ހުންނެވިކަމުގައި ވިޔަސް މިފަހަރު ޑރ. މުސްޠަފާ ލުޠުފީގެ މި ތަސައްވުރަކީ ދުނިޔޭގެ ފެންވަރުގައި ފެއިލްވެފައިވާ ސިޔާސަތެކެވެ. އަޅުގަނޑުމެންގެ ތެރޭގައި ތިއްބެވި އިތުބާރު ހުރި ދީނީ ޢިލްމުވެރިން އެކަމަކާމެދު ކަންބޮޑުވުން ފާޅުކުރައްވަމުން ގެންދަވާ ލާދީނީ ސިޔާސަތެއްވެސްމެއެވެ. ނަމަވެސް ހިތާމަޔަކީ މިފަދަ ލާދީނީ ސިޔާސަތުތަކުގެ ވެރީންގެ ދިފާޢުގައި މުސްލިމް ދިވެހި ދަރީންތަކެއް ވަކާލާތުކުރައްވަމުން ގެންދަވާކަމެވެ.
މީގެކުރީންވެސް، އަދި މިހާރުވެސް ދިވެހިރާއްޖޭގެ ގިނަ ސްކޫލްތަކުގައި ކިޔަވާދެމުންދަނީ ދެޖިންސް މަސްހުނިކޮށް ކަމަށާއި، މިހާރު މާ ބޮޑުކޮށްގެން މިވާހަކަ ދައްކަވާ ބޭފުޅުން ވާހަކަ ދައްކަވަނީ ކީއްވެގެންތޯ ސުވާލުކުރައްވަމުން، އެއީ ސިޔާސީ މަޤްޞަދެއްގައިކަމަށް ވިދާޅުވެ ވާހަކަފުޅު ދައްކަވަމުން ގެންދަވާ ދިވެހި މުސްލިމް އަޚުނާއި އުޚްތުނެނޭވެ!
ދިވެހިރާއްޖޭގައި ޒަމާންތަކަކަށް ދިގުދެމިގެންދިޔަ ވެރިކަމެއް ބަދަލުކޮށް ދިވެހި ޤައުމުގެ ހުންގާނު މުޅީން އައު ސަރުކާރަކާއި، ދިވެހި ރައްޔިތުން ޙަވާލުކުރީ، ވެދިޔަތާގައިވެސް ކަންތައް ކުރީ މިހެންނޭ، މިހާރު ދެން ކޮބައިތޯ މައްސަލަޔަކީ، މިހެންބުނެ އިހު ކަންތައް ކުރިފަދައިން ވެރިކަމުގެ ކަންކަން ހިންގާކަށެއް ނޫނެވެ. ވެދިޔަތާއިގައި ހެދިފައިވާ ގޯސްތަކުން ޢިބުރަތް ލިބިގަނެ، އެފަދަ ގޯސްތަކުން މިރާއްޖެ ސަލާމްތަކޮށްދީ، ކުރިޔަށް ކަނޑައެޅޭ ސިޔާސަތުތަކަކީ މާތްވެގެންވާ އިސްލާމްދީނާއި، ދިވެހި ޖުމްހޫރިއްޔާގެ ޤާނޫން އަސާސީއަށް ރިޢާޔަތް ކުރެވިގެން ކަނޑައެޅޭ މި ލޮބުވެތި ވަޠަނަށް ފައިދާހުރި ސިޔާސަތު ތަކަކަށް ހެދުމަށް ނޫނީ، މިރާއްޖޭގެ ވެރިކަން އަޅުގަނޑުމެން އައު ސަރުކާރަކާ ޙަވާލެއް ނުކުރަމުއެވެ.
ދެޖިންސް މަސްހުނިކޮށް ކިޔަވައިދިނުމާއި ދެކޮޅުވެރިވެ، ހަމަ ކުއްލިޔަކަށް މިއަދު މިވާހަކަ ބާރުލާފައި ދައްކަނީ ކިއްވެތޯ ސުވާލުކުރައްވާ ދިވެހި މުސްލިމް އަޚުންނާއި އުޚްތުންނޭވެ! އަޅުގަނޑުމެން އިންސާނުންނީ ތަފާތު އެތައްކަމެއްގައި މަޝްޢޫލުވެ، މުހިއްމު އެތަކެއް ކަންތައްތަކަކާއިމެދު ޣާފިލް ވެފައިވާ ބަޔަކީމުއެވެ. މިބީދައިން، މި މުޙިއްމު މައްސަލަޔާމެދުވެސް އަޅުގަނޑުމެން ތިބީ ޣާފިލުވެފައެވެ. މި ޙާލަތުގައި އަޅުގަނޑުމެންތިއްބާ 2011 ވަނަ އަހަރަށް މިނިސްޓަރީ އޮފް އެޑިއުކޭޝަނުން ރާއްޖޭގެ ހުރިހާ ސްކޫލެއް ދެޖިންސް މަސްހުނިކުރުމުގެ ސިޔާސަތު ޢިލާނު ކުރީއެވެ. އެހިނދު އަޅުގަޑުމެން ޣާފިލްވެފައިވާ މި މުހިއްމު މައްސަލަމަތީން ހަނދާންވެ، މިކަމާ ތެދުވުމުގެ ޖޯޝާއި ފޯރި އާވެ އާލާވީއެވެ.
ޙަޤީޤަތަކީ މިއީކަމުގައިވާއިރު، ޑރ.ލުޠުފީގެ މި ލާދީނީ ސިޔާސަތުގެ ދިފާޢުގައި ވާހަކަ ދެއްކުމަކީ، ނަމުން މުސްލިމް ކިޔައިގެނތިބި ދިވެހި ލޮބުވެތި ރައްޔިތުން ލަދުވެތިވާން ޖެހޭނޭ ކަމެކެވެ. ބަޔަކު، ސިޔާސީ މަޤްޞަދެއްގައި ނަމަވެސް، އަދި އިޚްލާޞްތެރި ނިޔަތެއްގައި ނަމަވެސް ކުރާ ކަމަކުން މާތްވެގެންވާ އިސްލާމްދީނުގެ ވަޙުދަތު ރައްކާތެރިވެ، ލާދީނިއްޔަތުގެ ފަލްސަފާއެއް މިޤައުމުން ފައްސާ ނަގާލެވޭނަމަ އެކަމަކާ، އަޅުގަނޑުމެން ތާޢީދުކުރުމީ އެންމެ ރިވެތި އަދި އެންމެ ފުރިހަމަ ގޮތެވެ. ބައެއްގެ ނިޔަތް ކިތަންމެ ގޯސްވީނަމަވެސް ތިމަތިމާމެންގެ ނިޔަށް ﷲ އަށް އިޚްލާޞްތެރިކޮށްފިނަމަ އެކަމަކަށް ތިމާޔަށް ޙައްޤު ޖަޒާ މާތް ﷲ ދެއްވާނެއެވެ.
މުސްލިމް ދިވެހި ރައްޔިތުންނޭވެ! އިސްލާމްދީނަކީ އެދީނުގެ އާބާދީގެ ނިސްބަތާމެދު ފަޚުރުވެރިވާ ދީނެއް ނޫނެވެ. އަދި އަދަދުގެ ގޮތުން މުސްލިމުން ގިނަވުމަކުން އެދީނަށް ލިބުންވާ އިތުރު ނަޞްރެއް ނެތެވެ. އަދަދުގެ ގޮތުން އެތައް ގުނައެއް މަދު، ވަޞީލަތުގެގޮތުން އިންތިހާދަރަހައިގެ ނިކަމެތިކަމެއް މުސްލިމުންނަށް ލިބިފައިވީ ދުވަހު ބަދުރުގެ މައިދާނުގައި މުސްލިމުންވަނީ ނަޞްރާއި ފަތަހަ ހޯދާފައެވެ. ހަމައެއާއިއެކު މުސްލިމުންގެ އަދަދުގެ ގިނަކަންމައްޗަށް ފަޚުރުވެރިވެތިބެގެން ކުރި ޖިހާދުތަކުން މުސްލިމުން ބަލިވެފައިވާކަންވެސް އިސްލާމީ ތާރީޚުގެ ފަތްފުއްތައް ހެކިދެއެވެ. މުސްލިމުންނަށް ނަޞްރާއި ކަމިޔާބު ލިބުންވަނީ އެއުރެން ﷲ އާއި ރަސޫލާ ޞައްލަﷲ ޢަލައިހި ވަސައްލަމަގެ މައްޗަށް ލޯބިކޮށް ނިޔަތް އިޚްލާޞްތެރި ކުރިވަރެއްގެ މައްޗަށެވެ.
ކީރިތި ޤުރުއާނާއި، ރަސޫލާ ޞައްލަﷲ ޢަލައިހި ވަސައްލަމަގެ އަގުމާތްވި އިރުޝާދާއި ޚިލާފުކަމެއް ބަޔަކުމީހުން ކުރާނަމަ، ނުވަތަ ކުރަން އުޅޭނަމަ މުއުމިނުންގެ ގޮތަކީ ހިތާއި، ދުލުން އެކަމެއް މަނާކުރުމެވެ. މުޅި މީހާގެ ޒަމީރު އެކަމަކާ ދެކޮޅުވެރިކުރުވުމެވެ. އެކަމެއް ކުރަން އުޅެނީ، ތިމާ ނިސްބަތްވާ ޕާޓީ ބޭފުޅެއްތޯ، ތިމާ ލޯބިކުރާ ސިޔާސީ ޒަޢީމުތޯ ބަލައި، އެފަދަ މީހެއް ނަމަ އެކަމާ ނުރުހުން ފާޅުނުކުރުން އެއީ މުއުމިނުންގެ ގޮތެއް ނޫނެވެ. އޭ މަގޭ މުސްލިމް އަޚުންނާއި އުޚްތުންނޭވެ! ތިމާ ނިސްބަތްވާ ސިޔާސީ ޕާޓީއަށްވުރެ، ތިމާ ލޮބިކުރާ ސިޔާސީ ޒަޢީމަށްވުރެ، ތިމާގެ ދީން އިސްނުކުރާހާ ހިނދަކު ތިމާގެ އީމާންކަން ފުރިހަމަ ނުވާނޭކަން ހަނދާންކުރާށެވެ! ނަބަވީ އިރުޝާދުން އެނގޭގޮތުގައި، އަމިއްލަ ނަފްސައްވުރެވެސް ބޮޑަށް ﷲ އާއި، ރަސޫލާޔަށް ލޯބި ނުކުރާހާ ހިނދަކު އީމާންކަން ފުރިހަމަ ނުވެއެވެ.
